Nortzuk gara

Galde genezake. 2006ko ekainean, Igorren mendizale-korrikalari batzuen eskutik jaiotako  elkartea. Hauen helburuen artean, beste herrialdeetan hain indartsu ezarritako mendi lasterketen espezialitatea, Bizkaian bultzatzea. Horretarako, 2007. urtean Aramotz mendi lasterketaren 1go edizioa, arrakastaz antolatu eta burutu genuen. Baina erronkak atsegin ditugunez, aurten gure helburuen artean dago Aramotz mendi lasterketak Bizkaia ordezkatzea Euskadiko kopan eta aldi berean Anboto inguruetan Kilometro Bertikal bat antolatzea. Azken honek, izugarrizko fenomenoa suposatuko luke.

Elkarte honen helburua mendi lasterketen inguruan mugitzen den jendea giro onean elkartzea da, kirol hau bultzatuz. Eta helburu hau lortzeko mendi lasterketak antolatu eta beraiekin zer ikusi duen ekintzetan parte hartuko du.

Gaur egun elkarte honen egoitza Zornotzan dago, baina betidanik mendia gustatu zaigun, eta mendi lasterketak batu gaituen, herri ezberdinetako, elkarte ezberdinetako, lagun talde bat gara.

Experientzia handikoak mendi munduan eta azkeneko urteotan mendi lasterketa askotan parte hartutakoak gara: Zegama-Aizkorri, Berga, SkyRace Andorra, Alpino Madrileño, Ultra Trail Mont Blanc, Euskal Endurance, Galartleiz, Bera, Aloña, Lakuntza, Gorbea Barren, etab. Munduko Kopa, Espainiako Kopa, EH-ko Kopa, etab.